Қазақстандық студенттер Қытайда не болып жатқанын айту үшін БАҚ өкілдерімен байланысқа шығуды жалғастыруда, сондай-ақ билікке оларды отанына алып кетуді сұрайды, деп хабарлайды NUR.KZ.

Студент Аружан Бегманова қазіргі таңда Ухань қаласына карантин жарияланғанын айтты. Қыздың айтуынша, жергілікті халық көп ұзамай аштық болады деп дүрлігіп, азық-түліктерді көптеп алып жатыр.

Онымен бірге елді мекенде тағы 87 қазақстандық студент бар екен. Аружан мұндай жағдайда өзін қалай ұстау керектігін және неден үміттенуге болатынын білмейді. Қыз қазақстандық биліктің кеш болмай тұрғанында өздерін эвакуациялауын сұрайды.

Сондай-ақ, Нанкин қаласында оқып жүрген тағы бір қазақстандық Әнел Сисенғалиева көрші Уханьға демалысқа келіп, қалып қойғанын мәлімдейді, деп хабарлайды "Диапазон".

Бұл жайында студенттің анасы Рабиға Сисенгалиева айтып берген.

Әйелдің айтуынша, студенттер Уханьнан кететін болған, алайда жарты сағаттан кейін карантин жарияланғаны белгілі болады, сол себепті олар өлімге әкеп соқтыратын аурудың таралу ошағына айналған қалада қалып қояды. 

Содан кейін, қазақстандық анасының айтуынша, үш күн бойы еліміздің азаматтары туралы мәліметтер жиналған. Студенттер оларды елдеріне қайтарады деп ойлаған, алайда елшілік тек елді мекенде қалған қазақстандықтар туралы ақпарат жинаған болып шыққан.

Сонымен қатар, әйел қызымен әлі де байланыста екендігін айтты.

Қыз қалада медициналық маскалар, сондай-ақ дезинфекциялық құралдар жетіспейтінін айтты. Анельдің айтуынша, қала бос, көптеген дүкендер жұмысын тоқтатқан. Азық-түлікті тек ірі супермаркеттерден сатып алуға болады.

Сондай-ақ, қазақстандық студент кешкі сағат 5-тен 9-ға дейін далаға шығуға және терезелерді ашуға тыйым салады, себебі бұл уақытта ауада дезинфекциялау құралдары шашылады.

Анельдің айтуынша, қала көшелерінде адамдар аз. Сондай-ақ, қалада "Уханьнан кетуге тырысатындар жазаланады" дейтін сыбыс шыққан. Қыз анасына қатты қорқып отырғанын айтқан.

Рабиға Сисенғалиева қазақстандық биліктен студенттерді үйлеріне қайтаруға көмектесулерін сұрайды.

Видеоға сілтеме. Қаладағы дүкендердің видеосы.