Бүгін Қасым-Жомарт Тоқаев Қытайдағы арты өлімге әкеліп соқтыратын қауіпті індет туралы өзінің Twitter парақшасында маңызды мәлімдеме жасады.

Президент өз мәлімдемесінде Қытайда пневмонияның таралуына байланысты Үкіметке тиісті тапсырма берді.

"Үкіметке Қытайда пайда болған коронавирустың Қазақстан аумағына таралуына жол бермеу жөнінде нақты ұйымдастыру шараларын қабылдау тапсырылды", - деді мемлекет басшысы.

Қытайда коронавирустың өршуі

2019 жылдың желтоқсанынан бастап Қытайда белгісіз індеттің таралуынан кейін ел билігі Хубэй провинциясындағы он қаланы "жауып" тастады.Бірінші болып Ухань қаласы "жабылды". Себебі қауіпті пневмония 11 миллионнан астам тұрғыны бар осы қаладан тараған болатын.

Карантин жарияланған қалалар арасында Чиби (534 мың адам), Эчжоу (1,08 миллион адам), Хуанган (7,5 миллион адам), Сяньтао (1,6 миллион адам), Чжицзян (550 мың адам), Цяньцзян (963 мың адам), Хуанши (2,7 миллион адам), Эньши (809 мың адам) мен Сяньнин (2,5 миллион адам) бар.

26 қаңтар, жексенбідегі жағдай бойынша, Қытайда коронавирустан 54 адам көз жұмған. Бұған қоса, бұл ауру басқа елдерге де тарай бастаған.