Талдықорған қаласындағы шағынаудандардың бірінен әскери қызметшінің мәйіті табылды, деп хабарлайды ҚазАқпарат сайтына сілтеме жасаған OINET.KZ. 

Бұл фактіні ҚР Қорғаныс министрілігі Ақпарат және коммуникация департаментінің басшысы Данияр Әлжанов растады. 

«Талдықорған қаласының Қаратал шағынауданында 36 жастағы әскери қызметшінің өлі денесі табылды. Жергілікті полиция жедел-тергеу тобын құрып, істің жай-жапсарын анықтауды бастап кетті», - деді Данияр Әлжанов ҚазАқпарат тілшісіне берген жауабында. 

Оның айтуынша, Қорғаныс министрлігі заңнамаға сәйкес марқұмның отбасына көмек көрсетеді.