Елімізде 2019 жылдың бірінші тоқсанында бір қызметкердің орташа айлық атаулы жалақысы 168 489 теңгені құрады деп хабарлайды Sputnik Қазақстан.

Ұлттық экономика министрлігі статистика комитетінің айтуынша, салалық құрылымда ең жоғары атаулы жалақыны кен өндіру өнеркәсібі және карьерлерді қазумен айналысатын жұмысшылар алады. 

Олардың табыс көзі 401,1 мың теңгені құрайды. Бұл орташа республикалық деңгейден 2,4 есеге жоғары болып табылады.

Одан кейінгі орында қаржы және сақтандыру қызметі тұр. Олардың орташа айлық атаулы жалақысы 323 мың теңге.

Кәсіби, ғылыми және техникалық қызметте – 296,3 мың теңге, ақпарат және байланыс саласында – 253,0 мың теңге, көлік саласында – 218,2 мың теңге.

Ал ең төменгі атаулы жалақы ауыл, орман және балық шаруашылығына тиеслі.

Олардың табыс көзіне айына 93,2 мың теңгені құрайды.

Бұл республика бойынша орташа көрсеткіштен 44,7%-ға төмен.

Аймақтар арасында ең жоғарғы жалақы Атырау облысында тіркелді. Аталған өңірде – 322,7 мың теңге, яғни орташа республикалық көрсеткіштен шамамен 1,9 есеге жоғары.

Ең төменгі көрсеткіш Түркістан облысында, онда орташа айлық атаулы жалақы 109,0 мың теңгені құрады.