Президент судьялардың жүктемесін азайтуды тапсырды

Oinet.kz 22-10-2019 922

image.png

Мемлекет басшысы Жоғарғы сот төрағасы Жақып Асановты қабылдады. Қасым-Жомарт Тоқаев халықтың сот жұмысына деген сенімін арттыру, азаматтардың өтініш-шағымдарын әділ қарау, шығарылатын сот шешімдерінің сапасын жақсарту қажеттігін айтты, деп хабарлайды OINET.KZ сайтының тілшісі sputniknews.kz сайтына сілтеме жасап.

Жоғарғы сот төрағасы Жақып Асанов Қасым-Жомарт Тоқаевқа судьяларды іріктеу жүйесін жақсарту, бірыңғай сот тәжірибесін қамтамасыз ету, сот төрелігін жаңғырту, соның ішінде соттан тыс татуласу орталықтарын құру, отбасы соттары мен фронт-офистер жайында атқарылған шаралар туралы баяндады. 

Сондай-ақ, Президентке биылғы 9 ай ішіндегі Жоғарғы сот қызметінің қорытындылары мен сот жүйесін жетілдіру бойынша жүргізілген жұмыстар жөнінде мәлімет берілді.

Президент судьялардың жүктемесін азайту және сот шешімдерінің сапасына кері әсер ететін оларға қатысы жоқ істерден босату жөнінде шаралар қабылдауды тапсырды, сондай-ақ, судьялар корпусының құзыреттілігін арттыру жұмыстарын жалғастырудың маңыздылығына назар аударды. 

Шұғыла Сапарғалиқызы: «Қазақстанда өмір сүргенше, Үрімжіде тұрғаным артық деп ойладым»
Петропавл тұрғынының атына 50 мың нөмір тіркелген
Сәйкес тақырыптар
Көтерілу