Қазақстанда кәсіп бастаймын деушілерге ерекше қолдау көрсетіліп келеді. Әсіресе мемлекеттік бағдарламалар кәсіпкерлік субъектілерінің санын көбейтуге ықпал етіп отыр.  Мемлекеттен кәсіпкерлерге қолдау көрсетілетін бағдарлама аясында кәсіпкерлікке бет бұрған жанның бірі шымкенттік Балзия Үсербаева.  Мемлекеттік атаулы әлеуметтік көмек алушы көп балалы ана Ол бұған дейін «Бастау бизнес» курсын оқып, сертификат алады. Содан көп адам таңдай бермейтін мал бордақылау бағыты бойынша бизнес жоспары мен басқа да құжаттарын әзірлеп, қайтарымсыз мемлекеттік грант алу үшін қалалық жұмыспен қамту орталығына өткізеді. Арнайы комиссия үміткердің жоспарын қарап, оң бағасын берді. Нәтижесінде жерлесіміз 200 АЕК көлеміндегі грантқа ие болды. Балзия Үсербаева бұл қаржыға 10 бас қозы сатып алып, бордақылауға кіріседі. Бүгінде көп балалы ана айына 3 қойдан сатып, пайдасын көріп келеді. Осылайша кәсібін бастап, тірлігін жүргізіп келіншектің бұл бастамасы көршілеріне де үлгі болады.

– Бала тәрбиесімен біраз уақыт үйде отырып қалдым. Бес баланың тәрбиесі, тамақтануы мен сабағы, оларды киіндіру сияқты күнделікті күйбеңмен жүріп, жұмыс істеуге мүмкіндік болмады. Ал олар жыл өткен сайын өсіп келеді. Балалардың жоқшылықтан қиналып өскенін елестетудің өзі қиын. Сондықтан бойда күш бар да оларды тарықтырмау – біздің ата-аналық парызымыз. Сол үшін жолдасымның бір айлығына қарап отырмай, өз кәсібімді ашуға бел будым, – дейді грант иегері.

Қой бордақылау – ауыл шаруашылығы саласындағы табысты әрі тиімді кәсіптің бірі. Бұл кәсіп түрі негізінен ет бағытындағы қой тұқымдарын арнайы күтіммен тез арада салмаққа жеткізуге бағытталады. Қазақстан жағдайында қой өсіру – ежелден келе жатқан дәстүрлі кәсіп, ал бордақылау оны заманауи деңгейге шығарып, табыс көзіне айналдырудың жолы. Қой етіне деген сұраныс ішкі нарықта да, сыртқы нарықта да жоғары. Әсіресе Таяу Шығыс пен Орталық Азия елдерінде қой етіне сұраныс тұрақты. Осы сұранысты тиімді пайдалану үшін бордақылау технологиясын меңгеру – фермерлер үшін үлкен мүмкіндік. 3–4 айлық бордақылау кезеңінде қойдың тірі салмағы айтарлықтай өсіп, ет сапасы жақсарады. Қой бордақылау – ауыл шаруашылығы саласындағы табысты әрі тиімді кәсіптің бірі. Бұл кәсіп түрі негізінен ет бағытындағы қой тұқымдарын арнайы күтіммен тез арада салмаққа жеткізуге бағытталады. Қазақстан жағдайында қой өсіру – ежелден келе жатқан дәстүрлі кәсіп, ал бордақылау оны заманауи деңгейге шығарып, табыс көзіне айналдырудың жолы.

Өзіміздің жергілікті шымкенттік азаматтардың мал шаруашылығымен айналысып, қала тұрғындарын етпен қамтамасыз етуге ұмтылып жатқаны, мемлекетке алақан жаймай өз кәсібін дөңгелетіп табыс тауып жатқаны қуантады. Еліміздің негізі осындай шағын және орта кәсіпкерлікпен айналысатын азаматтар екендігін айта кету керек.