Ғасырлар бойы қазақтың ұлттық киімі қарапайым әрі әдемілігімен ерекшеленіп келді. Ұлттық киім үлгісінде пайдаланылатын былғары, жүн, киіз, мата сияқты табиғи материалдар адамға жылулық пен жайлылық сыйлайды. 

Осы ұлттық киім көрмесі Шымкент қаласындағы Әдет-ғұрып және салт-дәстүр орталығында  «Жәдігерлер сыры» айдары аясында ұйымдастырылып отыр. 

Ұлттық киім бұл салада жаңашыл көзқараспен шығармашылық тұрғыда дәстүр мен стильді ұштастыруға ынталандыратын түрлі фестиваль, байқаулар ұйымдастыруға мүмкіндік беріледі. Мұндай іс-шаралар ұлттық мәдениетті сақтауға және насихаттауға мол септігін тигізіп, халық мұрасының маңыздылығын еске түсіріп, бірлігімізді арттыра түседі деген үміт бар.

«Жәдігерлер сыры» айдары аясында ұйымдастырылыған көрмеге ерлер киімімен қатар әйелдердің бас киімі мен басқа да тұтынған жәдігерлері қойылды. Бұл айдар аясында орталық қыз ұзату, қыз керуен, қыз көші, түйенің қомына қыздарды салып ұзату деген се¬кілді дәстүрлерді түрлі фестивальдерде көрсетіп келеді. Сонымен бірге қыстың күндері аңға шығып, саятшылық өнерін көпшілікке таныстырады. Ол үшін баяғы ата-балаларымыз сияқты кәдімгі үш ағаштан шошала жасап, ішіне бөстектер төсеп, от жағып, ауланған қояндардан сорпа істеп, көнекөз қариялардың аңшы¬лық туралы сұхбатын тележоба аясында ұйымдастырады. Бұған дейін мұндай іс-шаралардың талайын өткізген. Мұның барлығы да ұлттық киім көрмесінен көрініс тапқан.

«Осынау фестивальдер ара¬сында «Киелі кимешек» деген фес¬тиваль өткіздік. Негізінде респуб¬лика деңгейінде ұйымдастыра¬мыз деген жоспарымыз бар еді. Бірақ оған түрлі жағдаяттарға бай¬ланысты сәтін салмады. Дей тұрғанмен, қала көлеміндегі үлкен іс-шара болды. Оған көрермен ретінде сонау Моңғолиядан кимешек киген апаларымыз келіп қатысты. Сонда әйел адамға ар¬налған бұл бас киімге қатысты біраз жайттан хабардар болдық. Негізінде қазіргі біздің апаларымыз киіп жүрген кимешектері қырғыздың үлгісіндегісі екен. Ал ескі фотолардан қарасақ, бұрынғы апаларымыздың кимешектері үлкен болған. Жас келіншектер одан сәл кішілеуін киген. Мұ¬ның сыры неде десек, ол уақытта аурухана, емхана деген болған жоқ. Сондықтан апалар мен ке¬ліншектер кимешекте оралған ақ матаны әрі дәке ретінде де қол¬данған», - дейді орталық директоры Бахтияр Спанов.

Қарап отырсақ, кимешектің қасиеті көп-ақ екен. Мәселен, ер азамат шайқаста жа¬ра¬қат ала қалса, сол ақ матамен жараны таңған немесе жас әйел босанса, жөргек ретінде пайдалан¬ған. Апалардың кимешегінің ені 40-45 сантиметр болса, ұзындығы 20 метрге дейін барған. Егер жазатайым қайтыс болса, сол ақ мата¬ға орайтын кебін қылған. Міне, осындай қажеттіліктің бәрін бір кимешек атқарған. 

«Біздің ендігі мақсатымыз – осылардың бар¬лы¬ғын жастардың құлағына құю, олар¬ды дәстүрді жетік білетін, ата салт¬ты құрметтейтін ұрпақ ретін¬де өсі¬ріп шығару. Дәстүріміздің осындай құпия сырлары бар екенін үлкен де, жас та біліп жүрсе екен деп ойлаймыз. Және жұмысымызды, қажыр-қайратымызды сол бағытқа қарай бұрып жатырмыз», деді Бахтияр Спанов.