«Таза Қазақстан» экологиялық акциясы аясында еліміздің барлық өңірлерінде бүгін сенбілік ұйымдастырылды. 

Шараның мақсаты – елді мекендердегі санитарлық тазалықты жақсарту, қоршаған ортаға жанашырлық таныту. Акция барысында Шымкент қаласындағы қоғамдық орындар, саябақтар мен өзен-көл жағалаулары тазартылды. Игі іске еріктілермен қатар мемлекеттік қызметкерлер мен жергілікті тұрғындар да белсене атсалысты. 

Ұйымдастырушылардың айтуынша, бұл бастама экологиялық мәдениетті қалыптастыруға және табиғатты аялауға бағытталған. «Таза Қазақстан» экологиялық акциясы аясында 20 тамыз күні Шымкент қаласында жалпықалалық тазалық күні өтті. Аталған іс-шара қала аумағын абаттандыру, көгалдандыру және санитарлық тазалықты қамтамасыз ету мақсатында өткізілді. Тазалық жұмыстары Абай ауданындағы «Ақжайық» шағынауданы, Асфендияров көшесінде, Әл-Фараби ауданындағы Теріскей шағынауданында орналасқан №33, 35, 37 тұрғын үйлер аумағыда өтті. Сондай-ақ Еңбекші ауданындағы Пшеничных көшесі мен №30 мектеп маңы, Қаратау ауданындағы Нұртас шағынауданы, Кенжарық және Құлагер көшелерінің қиылыстары кездейсоқ күл-қоқыстан тазартылды. Сонымен қатар Тұран ауданындағы Темірлан тас жолы, №40, 40а, 40б мекенжайлары, ал Жастар ресурстық орталығының күшімен Түркістан көшесінің бойы тазартылды. Бұл шарадан қала тұрғындары қалыс қалмай, тазалық шарасына белсене қатысты», - дейді қала басшылығы. 

«Таза Қазақстан» экологиялық акциясына белсене қатысқан Теріскейліктер таңғы тоғыз болмай тазалық жұмыстарына ұйымшылдықпен кірісіп кетті. Тазалық шарасына оннан аса техника жұмылдырылды. Теріскейліктер шағын ауданындағы №33, 35 және 37 үйлердің аулаларын кездейсоқ жатқан күл-қоқыстан тазартып, ретке келтіріді.

Тазалық шарасына тұрғындар да, коммуналдық мекеме қызметкерлері де бірдей атсалысты. Көпшілік бірігіп жүргізген еңбектің нәтижесінде аулалар тазарып қана қоймай, балалардың ойын алаңы мен жасыл аймақтар да жаңаша келбетке ие болды.

Шағын аудан тұрғындары мұндай игі істің ауладағы тазалық мәдениетін қалыптастырып, көршілердің бір-бірімен жақындасуына сеп болатынын айтады. Ал ұйымдастырушылардың пікірінше, акцияның басты мақсаты – әр тұрғынды өз ортасын таза ұстауға үндеу және қала көркін жақсарта түсу.

Жоғарыда аталған аудан тұрғындары да бүгінгі республикалық «Таза Қазақстан» экологиялық акциясына белсене қатысып, өздерінің азаматтығын танытты. Бұл жалпыұлттық сенбілікке қаланың өзге аудандарында да жалғасын тауып, шаһар тұрғындары акцияға белсене үлестерін қосты.