Оқу-ағарту министрі Ғани Бектайұлы Бейсембаевтың тікелей тапсырмасымен ауыл мектептерінің талантты және білімге құштар оқушыларын анықтау мақсатында республикалық олимпиада осымен екінші жыл қатарынан ұйымдастырылып отыр.

Олимпиаданың бірінші облыстық кезеңіне 900-ге жуық оқушы қатысып, олардың 71-і республикалық кезеңге жолдама алған. Оның ішінде 41 оқушы жаратылыстану-математикалық бағыт, 30 оқушы гуманитарлық бағыт бойынша республикалық кезеңге өтті. Бұл ауыл оқушыларының интеллектуалдық жарыстарға деген қызығушылығының артып, республикалық олимпиаданың мәртебесінің жоғары екенін көрсетеді.

Астанада ауыл мектептерінің оқушылары арасында қоғамдық-гуманитарлық бағыт бойынша өткен республикалық олимпиаданың соңғы кезеңіне облысымыздан 30 оқушы қатысып, оның ішінде 25 оқушы жеңімпаз атанды. 

Түркістан облысының қоржыны 3 алтын, 9 күміс, 9 қола медальмен толықты. Сондай-ақ, 4 оқушымыз олимпиаданың Мақтау қағазына ие болды. Жалпы командалық есеп бойынша, қоғамдық-гуманитарлық бағыттағы республикалық олимпиадада Түркістан облысының ауыл мектептері оқушылары жүлделі ІІ орынды алды.

Сонымен қатар “Ұлттық мектеп лигасы” республикалық деңгейде өтіп, командалық спорт түрлерінен сынға түсіп, үздіктер анықталды.

5-6 сыныптар арасында Семей қаласында (127 оқушы қатысты), 7-8 сыныптарарасында Астана қаласында (127 оқушы қатысты), 9-11 сыныптар Қызылорда қаласында өтті (153 оқушы қатысты).

Қазіргі таңда Семей қаласындағы 5-6 сыныптар арасындағы жарыстың қорытынды кезеңі бойынша Түркістан облысының оқушылары жалпы командалық есепте І - орынды жеңіп алды.

2023 -2024 оқу жылында Облысымызда “Ұлттық мектеплига” жарысы спорттың 10 түрінен өткізілді. Осы кезеңде 44 сайыс өтіп, оған 475 командадан 4244 оқушы қатысты. Оның 2005-і қыздардан, 2 239 ұлдардан құралған. 

Ұлттық мектеп лигасын өткізу барысында 144 кубок, 1307 медаль сарапқа салынды. Оның ішінде 434 алтын, 444 күміс және 429 қола медаль әзірленген. Облысымызда Ұлттық мектеп лига жарыстары жоғары деңгейдеұйымдастырылып өтуіне байланысты Республикалық кезеңдерде оқушыларымыз топ бастап тұр!

Облысымыз төртінші жыл қатарынан республика бойынша жалпыкомандалық есепте 3 жас ерекшелік бойынша 1 орында келе жатыр.