Түркістан облыстық әкімдігі жылыту маусымына қатысты мәлімет таратты.

Жылыту маусымы жақындап келеді. Бес тәулік бойы сыртқы ауаның орташа температурасы +8 градустан төмен болуы туралы болжам болғанда аудан, қала әкімдері тиісті өкіммен жылу маусымының бастау жөнінде шешім қабылдайды.

ҚР Құрылыс нормалары мен Ережелеріне сәйкес облыста жылыту маусымы 148 тәулікті құрайды. Осы ретте тұрғындардың көмірмен қамтамасыз етілуі маңызды мәселелердің бірі. Облыс тұрғындарына қажетті көмір қорын жинақтап, қамдану қажеттігін ескертеміз.

Облыс аумағында 23 өңірлік оператор көмір сатумен айналысады. Көмір сақтау қоймаларында 138 999 тонна көмір қоры жинақталған.