Кадиовертер жүрек жұмысын жақсартады

Oinet.kz 26-01-2024 4056

Түркістан орталық қалалық ауруханасында жүректің кенеттен тоқтап қалу қаупі жоғары пациенттерге отаның жоғары технологиялық инновациялық әдісі енгізілді.

Screenshot_5.jpg

Түркістан облысында алғаш рет, 13 қаңтарда Түркістан қалалық орталық ауруханасының базасында стационардың интервенциялық кардиология бөлімшесінің меңгерушісі Бекзат Усмановтың жетекшілігімен кенеттен жүрек өлімі қаупі жоғары пациентте кардиовертер – дефибриллятор жүйесін тері астына имплантациялау бойынша шеберлік сабағы өтті. Мамандар операцияны «Кеңейтілген кардиомиопатия. Жүрек ырғағының бұзылуы, жүрекшелердің фибрилляция. Созылмалы жүрек жеткіліксіздігі» диагнозымен сырқаттанатын 62 жастағы ер адамға сәтті жасады. Мастер-класс өткізу үшін арнайы Қазақстанның бас штаттан тыс аритмологы, «Қазақ аритмологтар қоғамы» республикалық қоғамдық бірлестігінің президенті, медицина ғылымдарының докторы, қауымдастырылған профессор Аян Әбдірахманов шақырылды.

Кардиовертер-дефибриллятор – бұл электронды антиаритмиялық құрылғы, жүрек ырғағын басқаруға арналған күрделі компьютер, оның өлшемдері кішкентай және кеуде қуысының жоғарғы бүйіріндегі тері астына ендіріледі. Құрылғы жүрек қызметін тұрақты бақылап, бір минутқа да жұмысын тоқтатпайды. Өмірге қауіп төндіретін аритмия (қарыншалық фибрилляция) пайда болған кезде құрылғы жоғары электр энергиясының разрядын қамтамасыз ету арқылы, жүректің сонғу ырғағы дұрысталып, жүрек өз жұмысын қалпына келтіреді.

Кардиовертер дефибрилляторын имплантациялау – өмірге қауіп төндіретін жүрек соғысының бұзылысы бар науқастарды кенеттен аритмиялық өлімнен қауіпсіз қорғаудың және оның өмірін ұзартудың жалғыз жолы. Бұл операция міндетті әлеуметтік медициналық сақтандыру (МӘМС) шеңберінде тегін жүргізілді. Бүгінде операция жасалған пациент өзін қанағаттанарлық сезініп, интервенциялық кардиология бөлімінде емін жалғастыруда. Дәрігерлердің кәсібилігінің арқасында науқастың денсаулығына төнер қауіп жоқ.

– Бұл бағыт дамитын болады және мұндай оталардың көлемі мен түрлері бірнеше есе көп жүргізіледі, өйткені мұқтаждар саны өте көп. Біз, Түркістан облысы азаматтарының тағы бір санатына көмектесе алатынымызға және қан айналымы жүйесі ауруларының өлім-жітімін төмендетуге өз үлесімізді қосып жатқанымызға қуаныштымыз, – дейді медицинадағы инновацияларды әрдайым қолдайтын және жоғары технологиялық операцияларды қолданысқа сәтті енгізе білген аурухана басшысы Бекзат Берденов.


Қылмыс тіркелмейтін ауылдар...
Атқарушылық жазбаның маңызы қандай?
Сәйкес тақырыптар
Көтерілу