Былтыр туристер үшін іске қосылған "Amazing Turkistan” қосымшасы жаңа бөлімдермен толығып жатыр. Қосымша арқылы қолданушылар әуе рейстері мен пойыз кестесін біле алады. Сонымен қатар, қосымша енді түрік тілінде де ақпарат береді. Бұған дейін қолданушыларға қазақ, орыс және ағылшын тілінде ақпарат беріп келген жүйені бүгінгі күнге дейін 80 мыңға жуық адам жүктеп алған. Бұл туралы Түркістан құаласмы әкімдігінің баспасөз қызметі хабарлады. 

Мұнда келушілер үшін онлайн гид, такси, дүкен, дәріхана, Халық қатысатын бюджет, мейрамханалар, қонақ үйлер, такси бөлімдері жүйелі жұмыс істеп тұр. Сондай-ақ, "109 - Бірыңғай байланыс орталығына" да аталған қосымша арқылы сауал жолдауға болады. Әлі де тұрғындар жайлылығы үшін жүйеде біршама бөлімдер іске қосылып, толығатын болады.

Жалпы тек облыс орталығы ғана емес, туризмнің орталығына айналып жатқан Түркістан қаласында туристерге жағдай жасау бағытында өте көп жұмыстар атқарылуда.  Қалада туристер қызығушылық танытатын нысандар көбейіп келеді.  Биылдың өзінде қалада бірнеше бірегей жобалар жүзеге асырылды. Туристер қызығатын ғимараттар пайдалануға берілді. Мұның бәрі де Түркістанның туристік әлеуетін арттырары сөзсіз.