Әннің сөздерінде есірткіні насихаттаған қазақстандық әншілер жауапқа тартылады

Oinet.kz 25-08-2022 706

ҚР ІІМ есірткі қылмысына қарсы іс-қимыл департаменті басқарма бастығы Бақытжан Әмірханов елімізде есірткіні түрлі әдістермен насихаттайтындардың жауапқа тартылатынын айтты. Олардың ішінде реперлер, графити суретшілері, түрлі сайттар кіретіні атап өтілді, деп хабарлайды Oinet.kz тілшісі Stan.kz ақпарат агенттігіне сілтеме жасайды.

Screenshot_35.jpg

Басқарма бастығы елімізде жасөспірімдер мен жастардың әсіресе реперлер мен әншілерге еліктеушіліктерінің басым екенін жеткізді. 

“Жастар бүгінде реп айтатын түрлі топтарға еліктейді. Мысалы біз осыған дейін Mad Men тобын осы есірткі қылмысы бойынша ұстаған болатынбыз. Оларда өз кезегінде жастар арасында өте танымалдылыққа ие болған топ. Біз мұндай оқиғалардан соң бәріне мұқият назар аударатын болдық. Мәселен, қазір реп айтып жүргендердің әндерінің мәтіндерінде марихуанна тағы да басқа есірткілер туралы сөздер қосылып жүр. Бұның өзі есірткіні насихаттау болып табылады. Бұрын бұндай әрекеттерге тек әкімшілік жаза қолданылса, бүгінгі таңда қылмыстық кодекстің 299-1 бабы бойынша 3 жылдан 6 жылға дейін бас бостандығынан айыру жазасы көзделген”,- деді Әмірхонов.

Басқарма бастығының мәліметінше осы бап бойынша бүгінгі таңда 79 іс тіркелген. Ол бұл істерге жаза қолданбас бұрын нақты дәлелдер мен арнайы сараптама жүргізілетінін қоса кетті. 

“Ол үшін де арнайы сараптамалар жүргізіледі. Марихуанна есірткі деп айтылса, оны нақты жауапқа тарта алмаймыз ғой. Біз желілерден өзіміздің арнайы мамандарымыз арқылы бақылау жұмыстарын жүргізе отырып, мұқият қараймыз. Мәтінінде есірткі туралы бір сөз бар екен деп бәрін жауапқа тарта алмаймыз. Айтып кеткенімдей, оны насихаттаушыларды тергеп, ән болса әнін, белгілі бір киім мен суреттер болса оны сот сараптамасынан өткізіп барып жауапқа аламыз. Бұл жерде әкімшілік те, қылмыстық та кодекс қарастырылады”,- деп қосты Әмірханов. 

Актер Данияр Алшынов отбасын құрды
«Жол апатынан қаза тапты»: Мөлдір Әуелбекованың көз жұмғаны туралы хабар тарады
Сәйкес тақырыптар
Көтерілу