"Ешқашан сырт келбетіме тиіспеймін деуші едім": Баян Алагөзова

Oinet.kz 28-06-2022 1322

Белгілі продюсер Баян Мақсатқызы 2016 жылы экс-күйеуінің соққысына жығылғаннан кейін, бетіне 8 рет ота жасатуға тура келген. Ал бұл сыртқы кей ақауларды түзегенімен ауру-сырқауға толық ем бола алмапты. Бұл туралы Баян өзінің инстаграм парақшасында бөлісті деп хабарлайды Oinet.kz тілшісі.

Screenshot_3.jpg

"Қатты өзгеріп кетіпсіз" дегенді жиі естимін, иә солай. Осыншалықты өзгергеніме өзім де қуанбаймын. Сырт келбетім, ішкі жан дүнием де өзгерген шығар бәлкім. 

Менің мамандығым, менің наным, менің сыртқы келбетім, менің бет-жүзім болғандықтан, сыртқы фактордың мен үшін рөлі әркез ерекше еді. Бірақ өмірде ештеңені болжап біле алмайсың. "Ешқашан ешқашан деп айтпа" дейді. Мен "ешқашан сырт келбетіме тиіспеймін" деуші едім", - деп бөлісті Баян Мақсатқызы.

Продюсер алты жылда сегіз операция жасатқанын атап өтті. Алайда соған қарамастан, әлі де денсаулығында ақаулар бар екенін мойындады.

"Маған өзімді, жанымды, бүлінген бетімді құтқару керек болды. Мен қолымнан келгеннің бәрін жасадым және осымен тоқтағым келеді.

Бірақ көзім басында қалай ауырса, әлі де солай ауырады, жасаурайды, кез-келген нәрсеге реакция береді. Мен он минуттан артық оқи алмаймын, суретке түсе алмаймын, жарыққа тіке қарай алмаймын. Көзілдірік менің бетімнің жалғасы іспетті болып кетті.  

Онсыз да зақымдалған жаныма жара салғысы келетін адамдарға айтқым келетіні: "Иә, мен өзгердім, өзгеруіме тура келді, иә, мен бұрын басқа едім, мүлдем басқа". Маған сіздердің аяушылықпен қарағандарыңыз керек емес. Бұл менің жолым, менің таңдауым, менің өмірім", - деп түйіндеді ол. 

"Әжеміз біздің қазақша сөйлегенімізден ыңғайсызданатын": Жазира Байырбекова
Мақпал Исабекованың күйеуі перзентханадан шығару сәтіне гүлсіз келген
Сәйкес тақырыптар
Көтерілу