Отандық танымал әнші Димаш Құдайбергеннің «Қайран елім» атты әніне түсірілген су жаңа бейнеклипі Youtube желісінде жарияланды, деп хабарлайды Oinet.kz тілшісі.

30 шілдеде Димаш Құдайберген қазақ тілінде түсірілген жаңа бейнеклипінің аяқталғанын хабарлаған еді.

«Достар! Бірнеше күн бұрын қазақ тіліндегі керемет бір ән желісімен түсірілген бейнеклиптің аяқталғанын қуана хабарлаймын. Таяуда жаңа ән мен видео жарыққа шығады», - деп жазды Димаш Құдайберген.

«Қайран елім» атты жаңа туындының әнін Ренат Гайсин, ал сөзін Данияр Алдаберген мен Орал Байсеңгір жазған.