Әлеуметтік желіде қыз кейпіндегі отандық шоу-бизнес серілерінің суреттері тарап, халық арасында қызу талқыға түсті. Талай арудың арманына айналған өнерлі азаматтар фотошоп көмегімен бір мезетте сұлу сылқымдарға айналып шыға келген, деп хабарлайды Oinet.kz KAZ.NUR.KZ порталына сілтеме жасап. 

Желі қолданушылары сүйікті әртістерінің қыз кейпіндегі түрі қандай болатынын білу үшін олардың суреттерін арнайы фотошоп қосымшаға салған. Нәтижесінде сері жігіттердің барлығы нәзік жанды аруларға айналып кеткен. Олардың қатарында Нұрболхан Шарапов, Тұрсынбек Қабатов, Қайрат Нұртас, Әбдіжаппар Әлқожа, Төреғали Төреәлі, Айқын Төлепберген, Тәуекел Мүсілім, Санжар Мадиев, Димаш Құдайберген, Димаш Әділет, Асылхан Төлепов, Қуандық Рахым, Мұхит Сапарбаев, Нұрболат Абдуллин, Нұрлан Қоянбаев және Елдос Қадірханов бар. 

Желідегілерге жоғарыда аталған өнерлі азаматтардың ішінен Әбдіжаппар Әлқожа мен Санжар Мадиевтың қыз кейпіндегі түрі аса тартымды болып көрінген. Олар шоу-бизнес серілерінің ерекше образдарын қызу талқылап, өзіне қайсысы көбірек ұнағанымен бөлісуде.