Белгілі әзілкеш Нұрболхан Шарапов Дина Төлепбергеннің қызметі нағыз журналистің келбетіне ұқсамайды деп айтты, деп хабарлайды Oinet.kz. Бұл туралы ол Nurbol Khan ютуб каналында кезекті жүргізген эфирінде айтты. 

Бағдарлама барысында Нұрболхан Шарапов пен вайнер Елдос Қадірханов және Серік Ибрагимов өзара отырып "шегіртке" мәселесін талқылады. 

Соңғы кезде әншілердің шегіртке атанып, Ахметбек Нұрсиланың абыройын артты. Кейбірі кәсіпкердің өзін айыптады. 

- "Алдымен Дина Төлепберген туралы айтсам. Ол кісіні нағыз журналист, шындықты бетке айтады деп жатады. Нағыз журналист маман әншілердің лотереясын зерттей ме? Лотереядан тұра ма шындық? Шындықты айтатын болса коронавирус жайлы неге айтпайды? Шындықты айтатын журналист болса, канша миллиардтаған ақша туралы неге айтпайды? Неге басқа шындықтың бәрін айтпайды. Мақтаралға барып неге материал дайындамады? Неге журналистік зерттеу жасамады", - деді Нұрболхан.