Қазақ эстрадасының жарқын жұлдызы Қайрат Нұртастың ата-анасы жаңа үйге көшті. Нұртас пен Гүлзира Айдарбековтер айт мерекесін жаңа баспанасында қарсы алған. Желіде жұлдызды жанұяның жаңа шаңырағында түсірілген видео тарап кетті, деп хабарлайды Oinet.kz тілшісі. 

Бұл туралы Гүлзира Айдарбекованың Instagram парақшасындағы бейнежазбадан белгілі болды. Онда белгілі продюсер қайын жұртының ортасында отырған. Үйді аралап, видеоны түсірген адам ерлі-зайыптыларды баспаналы болғанымен құттықтағанын естуге болады. Айдарбекова жариялаған бейнежазбасының астына айтқа қатысты жазба қалдырып, онда ұлы Қайрат Нұртасқа алғысын білдірген.

 "Айт құтты болсын! Әуелі Алла, екінші Қайрат ұлыма алғысым шексіз! Үміт артқан ұл-қыздарыңыз бақытқа жеткізсін! Айт - қуану, көтеріңкі көңіл-күй деген сөз. Бір дастархан басында жиналып, шаттанып құттықтасу. Айт - өзара шүйіркелесу. Сүйген жандарыңа сөздің ең əдемісін арнау. Айт - бауырмалдық. Жылы жүзбен жолығысып, арқа-жарқа құшақтасу, мұңдының мұңын бөлісу, көңілі жарымның көңілін табу. Айт - алысты жақындату, суып кеткен қатынасты жылыту. Нәпсіңді тізгіндеп, кішіпейіл кейіпке еніп бірінші боп xабар алысу, Кешірім сұрасу. Айт - көптен көріспеген жандармен жолығысу. Өміріміз айт секілді қуаныш пен шаттыққа толы болсын" , - деп жазды ол.

Желідегілер бұл үйді ата-анасына хитменнің өзі әперген деп топшылады. Айдарбековтердің зәулім үйін көрген көпшілік, оған тәнті болып өз пікірлерімен бөліскен. "Неткен керемет үй" , "Үлкен екен, мен мейрамхана екен деп қалдым" , "Тағы бір үй алған ба?" , "Қайрат әперген шамасы. Жарадың" , "Қайраттың арқасы ғой барлығы да" , - деп жазды олар. 

Посмотреть эту публикацию в Instagram

Үміт артқан ұл-қыздарыңыз бақытқа жеткізсін!