Әлемге атағы жайылған белгілі отандық әнші Димаш Құдайбергеновті Мексикалық жанкүйерлер өз еліне шақыруда. Бұл жөнінде Димаштың әкесі Қанат Айтбаев Instagram парақшасында жариялады, деп хабарлайды Kazinform.kz порталына сілтеме берген Oinet.kz. 

«Мексикалық тыңдармандар Димашқа сәлем жолдап, еліне шақыруда. Ықыластарыңыз үшін көп рахмет, dears!», - деп жазды Қанат Айтбаев. Мексикалық жанкүйерлер сүйікті әншісіне арнаған видеосын ерекше етіп түсірген. Олар қаладағы ең әдемі орынды таңдап, Димаштың суреті бейнеленген арнайы плакаттар, баннерлер дайындаған. Сөйтіп қолына Қазақстанның туын ұстап, әншіні Мексикаға келіп, концерт өткізуге әнмен шақырады. «Латын Америкасындағы тыңдармандарым маған жып-жылы видео жолдапты. Мені қалай қолдайтындарыңызды білем. Жақын арада қауышамыз деген үміттемін. Шақырғандарыңыз үшін көп рахмет. Өте риза болдым», - деп ризашылығын білдірді Димаш Instagram парақшасында.