Кешеден бері үздіктерін анықтап жатқан "Оскар" академиясының марапатынан Брэд Питте құр қол қалмады. Танымал Голливуд жұлдызы  карьерасындағы алғашқы Оскарын жеңіп алды

Брэд Питт "Однажды в Голливуде" фильміндегі екінші пландағы үздік актер номинациясында Оскар алды.

Америкалық актер Брэд Питт Оскар премиясының 92-церемониясында екінші пландағы үздік актер номинациясында жеңімпаз атанды. Актердің "Однажды в Голливуде" фильмінде сомдаған рөлі үздік деп танылды. Аталмыш номинацияға "Ирландец" фильмінде ойнаған Джо Пеши мен Аль Пачино, сонымен қатар Энтони Хопкинс пен Том Хэнкс де ұсынылған болатын.

Бұл Питтің өміріндегі 4-номинация және алғашқы жетістігі.  

Брэд "Однажды в Голливуде" фильмінде белгілі актер Рик Далтонның дублері (оның рөлін Леонардо ДиКаприо сомдады - ред.), Клифф есімді "харизмасы тасып тұрған" каскадердің рөлін ойнайды.