Күллі жамандық атаулыдан сақтайтын дұғалар

Oinet.kz 25-03-2020 1944

Сахаба Абдуллаһ ибн Хубәйб (р.а.) осы сүрелердің таңертең және кешке үш реттен оқылатындығына қатысты мына бір оқиғаны жеткізген: «Бірде Алла елшісі (с.а.у.) маған: Таңертең және кешке “Қуль һуа Аллаһу ахад” және “Му‘аууизәтәйнді” (Ықылас және Фәләқ, Нәс сүрелерін) үш реттен оқып жүр. Бұл сүрелер сені (Алланың қалауымен) күллі жамандық атаулыдан әрі зиянды нәрселерден сақтайды − деп айтты», – деген.

 Күллі жамандық атаулыдан сақтайтын дұғалар

"Ықылас" сүресі / سورة الإخلاص‎‎

 بِسْمِ اللّهِ الرَّحْمنِ الرَّحِيمِ

قُلْ هُوَ اللَّهُ أَحَدٌ * اللَّهُ الصَّمَدُ * لَمْ يَلِدْ وَلَمْ يُولَدْ * وَلَمْ يَكُن لَّهُ كُفُوًا أَحَدٌ

Оқылуы: Бисмилләһир-Рахмәәнир-Рахиим. Қуль һуә-Аллаһу ахад. Аллаһус-Самад. Ләм йәлид уә ләм юуләд. Уә ләм иәкул-ләһу куфуән ахад (3 рет).

Мағынасы: Аса рақымды, ерекше мейірімді Алланың атымен! (Оларға): «Ол – Алла жалғыз. Алла – Самад (ешкімге, еш нәрсеге мұқтаж емес, керісінше күллі жаратылыс Оған мұқтаж). Ол − тумаған да, туылмаған. Әрі Оған тең келер ешкім жоқ» ("Ықылас" сүресі), – деп айт. 

"Фәлақ" сүресі / سورة الفلق‎‎

بِسْمِ اللّهِ الرَّحْمنِ الرَّحِيمِ

قُلْ أَعُوذُ بِرَبِّ الْفَلَقِ * مِن شَرِّ مَا خَلَق *  وَمِن شَرِّ النَّفَّاثَاتِ فِي الْعُقَدِ * وَمِن شَرِّ حَاسِدٍ إِذَا حَسَدَ

Оқылуы: Бисмилләһир-Рахмәәнир-Рахиим. Қуль ә‘уузу бираббил-фәләқ. Мин шәрри мә халәқ. Уә мин шәрри ғаасиқин изә уәқаб. Уә мин шәррин-нәффәәс әәти фил-‘уқад. Уә мин шәрри хаасидин изә хасәд (3 рет).

Мағынасы: Аса рақымды, ерекше мейірімді Алланың атымен! (Оларға): «Қараңғы түнекті қақ жарып атқан арайлы таңның Раббысына; Өзі жаратқан күллі жаратылыстың кесірінен, қараңғы түскенде түннің кесірінен, түйіншіктерге үрлеп, дем салушылардың кесірінен, сондай-ақ, күндеген кездегі күншілдердің кесірінен (сақтай гөр деп) сиынамын!» ("Фәләқ" сүресі), – деп айт.

"Нас" сүресі / سورة الناس

بِسْمِ اللَّهِ الرَّحْمَٰنِ الرَّحِيمِ 

 قُلْ أَعُوذُ بِرَبِّ النَّاسِ * مَلِكِ النَّاسِ * إِلَٰهِ النَّاسِ * مِنْ شَرِّ الْوَسْوَاسِ الْخَنَّاسِ * الَّذِي يُوَسْوِسُ فِي صُدُورِ النَّاسِ * مِنَ الْجِنَّةِ وَالنَّاسِ

Оқылуы: Бисмилләһир-Рахмәәнир-Рахиим. Қуль ә‘уузу би Раббин-нәәс. Мәликин-нәәс. Иләһин-нәәс. Мин шәррил-уәсуәәсилхан-нәәс. Әлләзи юуәсуису фи судуурин-нәәс. Минәл-жиннәти уән-нәәс (3 рет).

Мағынасы: Аса рақымды, ерекше мейірімді Алланың атымен! (Оларға): «Адамдардың Раббысына, адамдардың Патшасына (Иесіне), адамдардың Тәңіріне; (Алланың аты аталғанда) кері шегініп жасырынатын, тыным таппай адамдардың жүрегіне сыбырлап, азғырумен болатын азғырушының кесірінен (сақтай гөр деп) сиынамын. (Ондай азғырушылар) адамдар мен жындардан болады» ("Нас" сүресі), – деп айт.

Сунәну Әбу Дәууд, Китәбу әл-әдәб 4419;
Сунәну Тирмизи, әд-да‘ауат ‘ан Расулилләһ 3499

Ол дәл осы ауруханадан сені өзімен бірге алып кетеді
Қаза болған оразаны ұстағанда қалай ниет ету керек?
Сәйкес тақырыптар
Көтерілу