Имам Мұхаммед Бәкір: «Әкем имам Зәйнулабидин хазірет маған: «Бес түрлі адаммен сөйлеспе, дос болма», – деп насихат айтты.

– Әкетай, айтқаныңызды құп алдым. Ол бес түрлі адамның қандай адамдар екенін білдірмес пе екенсіз?» – деп сұрадым. Сонда былай деп түсіндірді:

– Пасық (Алланың бұйрықтарын орындамайтын) адаммен дос болма. Өйткені ол сені бір жұтым асқа, тіпті болар-болмас нәрсе үшін-ақ сатып кетеді.

– Болар-болмас дегенді түсіндіресіз бе?» – деп сұрадым.

– Айтпағым, қолы жетсе деп өлермендік танытып, бірақ қолы жетпеген нәрсе.

– Әкетай, екіншісі кім?

– Сараңмен дос болма! Өйткені ол қатты қиналған кезіңде дүниесін қорғаштап, сенімен араластығын үзеді.

– Үшіншісі кім?

– Өтірікшімен дос болма! Өйткені ол жақынды саған алыс етіп көрсетеді.

– Төртіншісі кім?

– Ақымақпен дос болма! Өйткені ол саған пайда тигіземін деп зиян тигізеді.

– Әкетай, бесіншісі кім?

– Жақын туыстарымен араласпай кеткен адаммен дос болма! Өйткені Құран кәрімнің тура үш жерінде бұндай адамның оңбайтындығы айтылғанын байқадым.

Дереккөз: muslim.kz