Радардың әрекет принципі біз тамақтарымызды ысытып жүрген микротолқын секілді дәл сондай толқындарға негізделгенін көп адам біле бермейді. Аса жоғары жиіліктегі жоғарғы қуат өрісін зымыранға қарсы қорғаныс радарлары береді. Ондай сәулелерді шығаратын антенна өте үлкен прожектордан шығатын көрінбейтін сәуле секілді сәулені түрлендіреді.

90 жылдардың орта шенінде орыс әскерінде алауыздық туындаған кезеңде техникалық қызмет көрсету кезінде радарды өшіруге тыйым салу туралы қаулы қабылданған. Радардың қалыпты жағдайдағы жұмысы кезінде қасында болу қауіпсіздеу, ал нысананы көздеген шағында оның әрекет аймағында болу микротолқынды пеш ішінде болғанмен бірдей.

Техникалық қызмет көрсету кезінде радар нысан үстаған және осы сәтте оның әрекет ету аумағында капитаннан, прапорщиктен, екі қатардағы жұмысшыдан және жүргізушіден тұратын жөндеу тобы болған. Капитан ток разрядынан оқиға орнында қаза тапқан. Прапорщик пен қатардағы жұмысшылардың барлық ішкі ағзасын күйік шалған.  әсіресе ми, қуық, көз, бауыр сынды сұйықтығы көп ағза мүшелеріне қатты зақым келген. Прапорщик ауыр күйіктің себебінен қаза тапқан, бірақ оның өлімі өзге жапа шеккендерді аман сақтап қалуға септігін тигізген. Себебі зақым түрі оның ағзасын ашып көргеннен кейін ғана белгілі болған. Содан кейін ғана емдеудің тәсілі анықталған. Ал жүргізуші металл тормен қорғалғандықтан, көліктен түсіп, жапа шеккендерді көлікке отырғызу кезінде бас ми қабатына шизофрения мен алькогольдік мастыққа ұқсас салдардағы аздаған зақым алған.