Ғалымдар қолынан айырылған жандарға протезді ойлап тапты. Солардың ішінде ең сәтті шыққан жасанды қол қонақүй кешенінің иегері К.Эйрдаға бұйырды. 

Ең ыңғайлы протезді 1993 жылы Ұлыбританияның Эдинбург қаласындағы Маргарет-Роуз ауруханасында бес биоинженер жасап шығарды. Науқас бұлшықет обырына шалдыққаннан кейін 1982 жылы дәрігерлер оның оң қолын кесуге мәжбүр болған. «Эдинбург модулар» қолы микрочиптерден, дененің қимыл-қозғалысына қарай майысатын жүйеден құралған. Жасанды қол иықтан бастап бұрала алады, шынтағы да майысады, сондай-ақ саусақтарымен затты қысып, ұстай алады.