7 ірі медицицина кешені салынады
03-04-2025
Түлкібас ауданындағы Шақпақ-баба елді мекенінде жаңа дәрігерлік амбулатория ел игілігіне пайдалануға берілді.
Нысанның ашылу салтанатына келген аудан әкімі Асқар Естібаев пен аудандық мәслихат төрағасы Серғали Сәрсембаев тұрғындардың қуанышымен бөлісті.
Түлкібас аудандық ауруханасының басшысы Жанат Тоғайбекованың айтуынша, заманауи дәрігерлік амбулаторияда 1 жалпы дәрежелі дәрігер, 1 фельдшер және 2 медбике халыққа қызмет көрсетеді. Аталған ауылда 4 мыңнан астам тұрғын өмір сүреді.
Игі шарада ауыл тұрғындары мемлекет тарапынан көрсетіліп жатқан көмектерге дән риза екендіктерін жеткізді. Жиылған жұрт нысанның ауласына ағаш көшеттерін отырғызып, ақсақалдар ақ батасын берді.
Бұған дейін биыл Түлкібас ауданындағы 2 ауылда заманауи жаңа амбулатория құрылысы бітіп, ел игілігіне пайдалануға берілген болатын. Сонымен қатар, Қызылбастау елді мекенінде де заманауи фельдшерлік-акушерлік пункт соғу жоспарлануда.