Денсаулығымыз бен сымбатымызды сақтау үшін қажет деп білетін әдеттер қай-қайсымыздың болмасын бойымыздан табылады. Олардың жемістерді жуу немесе тұрақты түрде спортпен шұғылдану сынды кейбірі, шындығында да, пайдалы болса, қайсыбірінің дұрыстығы мен пайдалылығы санамызда сандаған сауалдар туындатады.

Бұл орайда ешқандай пайдасы жоқ әдеттер тізімін жасап, назарларыңызға ұсынғанды жөн көрдік.

Органикалық өнімдерді тұтыну

Көптеген елде органикалық өнімдерге деген талаптар мен сертификаттау ережелері жоқ. Сондықтан «эко» немесе «био» белгілері – көп жағдайда маркетингтік қулық қана. Ол өнімнің пестицидтердің қолдануынсыз өсірілгендігін білдірмейді. Ал олардың пайдасы базарларда сатылып жатқан жеміс-жидектердегімен бірдей.

Микротолқынды пештен бас тарту

Микротолқынды пешті қолданған кезде тағамның құрамындағы пайдалы заттар бұзылуы мүмкін, бірақ тағамды ас плитасында не пеште жылытқан кезде де дәл осы жағдай орын алады. Ал кей жағдайларда тағамды микротолқынды пеште жылдам жылыту пайдалы да. Мысалы, ас құрамындағы С дәрумені жақсы сақталады.

Майсыздандырылған өнімдермен әуестену 

Майлар дәл ақуыздар мен көмірсулар тәрізді ағзамызға қажет. Сондықтан кәдімгі сүзбе не йогуртты майсыздандырылған түрлеріне алмастыру – тағамның құнарлылығын төмендетудің жақсы тәсілі емес. Сонымен қатар көптеген майсыздандырылған өнімдерде құнарлылық құндылғының жетіспеушілігі көп мөлшердегі қантпен толықтырылады. Ол денсаулығымыз үшін тіптен зиян.