Абай Құнанбайұлы. Есіңде бар ма жас күнің

Oinet.kz 28-08-2019

54789byqo.jpg

Есіңде бар ма жас күнің,

Көкірегің толық, басың бос,

Қайғысыз, ойсыз, мас күнің —

Кімді көрсең, бәрі дос.


Махаббат, қызық, мал мен бақ

Көрінуші еді досқа ортақ.

Үміт жақын, көңіл ақ,

Болар ма сондай қызық шақ?


Құдай-ау, қайда сол жылдар,

Махаббат, қызық мол жылдар?

Ақырын, ақырын шегініп,

Алыстап кетті-ау құрғырлар!


Жалынасың, боқтайсың,

Сағынасың, жоқтайсың.

Махаббат кетті, дос кетті —

Жете алмайсың, тоқтайсың.


Көзіме жас бер, жылайын,

Шыдам бер, сабыр қылайын.

Жаралы болған жүрекке

Дауа бер, жамап сынайын.

Абай Құнанбайұлы. Жаз
Абай Құнанбайұлы. Қараша, желтоқсан мен сол бір-екі ай

Сәйкес тақырыптар
Көтерілу
×