Өмірлік ситуацияларда шешім табуға қиналып, сізден көмек сұрайтын дос барлығыңызда бар болар. Бірақ оларға психологиялық тұрғыда қалай көмек көрсету керектігін білмей дал боларсыз. Мысалы, күйзелісте жүрген адамға аяп қарасаңыз. Ол өз негативін аса батылдықпен кез келген ортада таратуды әдетке айналдырады.

Тыныштықта қалдырыңыз

Қоғамдық ортада эмоцианалды лидерлер аса қауіпті әрекет етеді. Өміріңізде қуанышқа толы 1040 жайт болса да, көңілсіз адаммен қалай күңіреніп кеткеніңізді байқамай қаласыз. «Маған бұл сөздерді естіген қажет пе?» деп сұрап көріңіз. Проблемаға тап келген адамға оңаша қалған жөн. Сонде шешімді оңай табады.

Ол неге сәтсіздікке жиі ұшырайды деп ойлайсыз?

Оның басынан өтіп жатқан жағдаят кез келген адамның басынан өтуі мүмкін. Сіз елең ете қалып тыңдамаңыз. Бей жай қараңыз. Уайымның түбі-тұңғиық. Оған жалғыз баттың не, командамен баттың не, бәрібір. Оның басынан неге бұл типтегі жағдаяттар жиі өтеді. Себебі олар осылай қабылдағанға дағдыланған. 

Қашыңыз!

Эмоцианальды маньяктан қорғану үшін өзіңізді алшақ ұстаңыз. Сіз іргеңізді ұзартқан соң ол да ойлнар. «Әй, осы мінезімде мін бар-ау» деп өзіне сырттай көз тастауы бек мүмкін.

Ақыңызды жегізбеңіз!

Байқайсыз ба, мұң шағуға шақырған досыңыз өзінің жағдайының ауыр екенін мәлімдеді. Табиғи қалыпта жаныңыз ашиды. Есепті сіз төлейсіз. Есіңізде ұстаңыз, адам қандай жағдйда болса да қоғам мүшесі. Әркім өзіне төлесін. Бұл арадағы теңдікті орнатып , өзін кем сезінушілікті жояды.

Өкінбеңіз!

Стрестегі адамға қандай қатынаста болсаңыз да жанашырлық танытып, өкінбеңіз. Ол өзіңізді кінәлі сезінуге алып кеп соғады. Оқиғаны ол баяндап жатқанның өзінде, алыстан орағытып сондай ситуациядан досым былай жол тапты деп айтыңыз. Мысалы, ол пәтер  иесімен келіспей, үй ауыстыруы керек болып қамықты. Сіз: «Бір танысым өткенде пәтерін ауыстыруға мәжбүр болған. Бастапқыда қатты мұңайған еді. Кейіннен көңіліндегі бағаға өте жоғары деңгейдегі пәтер тапты. Әрі пәтер иесі сондай мейірімді екен!» деңіз. Бір оқпен екі қоян атасыз.

Өзіңіз жайлы ойлаңыз.

Әр қашан бақытты болуға уақыт табыңыз. Өзгенің теріс энергиясын бойыңызға қабылдамаңыз. Әлемде 7 млрд адам бар. Оның бәрін сіз уайымдасаңыз, сізді кім уайымдайды? Халқын ойлауға міндетті президент емессіз. Сіз индивидсіз. Бұл эго емес. Әрі сіз өзіңізді ойлағаныңыз үшін кінәлі болмайсыз.