Көз – өміріміздің айнасы. Осы мөлдір көздерімізарқылы біз әлемдегі таңғажайып нығметтерді көріп, сүйсінеміз. Алайда, көз де шаршайды. Оған уақытылы көмек көрсетіп, демалдырып тұру маңызды. Ендеше, төмендегі көру қабілетін жақсартуға көмектесетін пайдалы кеңестерге назар аударыңыз.

1. Көзге арналған пайдалы дәрумендерді уақытылы ішу 

С дәрумені сіздің көру қабілетін жақсартуда және көз аурулары мен соқырлықтан қорғауда маңызды рөл атқарады. Сондықтан күн сайын пайдалы тамақпен бірге күнделікті дәрумендерді ішіңіз. С дәрумен цитрус жемістерінде, киви, қара қарақат, көкөністер мен қырыққабаттың құрамында кездесед.

2. Қара көзілдірік тағыңыз

Үйден шығар алдын көзді күннен қорғайтын көзілдірік киіңіз. Олар көзді зиянды ультракүлгін сәулелерден қорғайды және аурудың қаупін азайтады.

3. Темекі шекпеңіз

Темекі шегу адам денсаулығына теріс әсер ететінін бәрі біледі. Әсіресе, көз денсаулығына тигізер теріс әсері мол. Темекі шегу артериалды құрысуды және көздің қанмен қамтамасыз етілуінің нашарлауын тудырады, катаракта мен тор қабығының зақымдану қаупін арттырады. Темекі шегуді неғұрлым тезірек тастасаңыз, асқыну қаупі соғұрлым төмен болады.

4. Жасыл жапырақты көкөністерді көп тұтыныңыз

Зеаксантин және лютеин - бұл екі көзге өте пайдалы антиоксидант. Жасыл жапырақты көкөністерде бұл антиоксиданттар көп. Қырыққабат, шпинат, салат, брокколи сияқты көкөністерді тұтыну катаракта мен жасқа байланысты ретинальды бұзылу қаупін азайтады.

5. Көзіңіздің демалуына мүмкіндік жасаңыз

Көзіңізге шамадан тыс ауыртпалық салмаңыз. Жұмыста да, үйде де жасай алатын бірнеше көзді демалдыруға арналған жаттығулар бар. Олар сіздің көздеріңізді тынығуына және көру қабілетін жақсартуға көмектеседі. Саусақтарыңыз маңдайыңызда, алақандарыңыз көзді жабатындай етіп алақаныңызды бетіңізге қойыңыз. Көзіңізді жұмып, біраз уақыт отырыңыз. Сіз оларды ашқан кезде сіз айырмашылықты сезінесіз. Тағы біір жаттығу: алақандарыңызды жылыну үшін аздап ысқылаңыз және жарық көрінбеуі үшін оларды көзіңізге қойыңыз.

6. Көзіңізді жиі жыпылықтатыңыз

Жыпылықтау өте маңызды. Бұл сіздің көзіңізді сергітеді, сонымен қатар оларды ұзақ уақыт ұстауға мүмкіндік береді. Әр 4 секунд сайын жыпылықтап көріңіз. Осылайша сіз көздің ауырсынуын азайтып, көру қабілетін жақсарта аласыз.

7. Автокөлік желдеткішіне қарамаңыз

Құрғақ салқындатқыш ауа ылғалдылықты көзден алады. Құрғақ көздер қабақтың эрозиясын, сондай-ақ соқырлықты тудыруы мүмкін. Жоғарыда аталған көзге қатысты мәселелерді болдырмас үшін, автомобильдегі кондиционерді көзіңізге емес, аяғыңызға бағыттаңыз.

8. Жеміс-жидектерді көп жеңіз

Жемістерде антиоксиданттар көп. Антиоксиданттардың ең бай көзі – қаражидек (черника). Сондықтан таңғы асқа, түскі асқа және кешкі асқа қаражидекті көп жеңіз! Кептірілген өрік, ацерола, көкжидек, гуава, қауын, киви, алма, жүзім және лимон сияқты жемістер көздің көру қабілетін жақсартуға көмектеседі және жасқа байланысты ретинальды бұзылудың алдын алады.

9. Көз қозғалысын арттырыңыз

Біздің денеміздегі кез-келген бұлшықетті шамадан тыс жүктегенде, ол икемділігін жоғалтады және шиеленіседі. Дәл солай біздің көзімізде де болады. Компьютер экранына немесе теледидарға ұзақ уақыт қараған кезде, көздер қозғалғыштығын жоғалтады және қысылады. Сондықтан сіз бір нысанды ұзақ уақыт көрмеуіңіз керек.

10. Көздеріңізді үнемі дәрігерге тексертіп отырыңыз

Күнделікті көзді тексеру мәселелерді ерте сатысында анықтауға көмектеседі. Компьютер қолданушылары жылына бір рет көз тексерулерінен өтуі қажет.