Мен бір жігітпен әлеуметтік желі арқылы таныстым, сөйлесіп, кейін кездестік. Кездескенде ойымда ештеңе жоқ, сөзі дұрыс болған соң кішкене болса да сезім пайда болған. Алғаш кездескенде жүрегім шым ете қалды. Өмірлік серігімді тапқандай күй кештім.

Ол да қолымды ұстап, бетімнен сүйді. Ұзақ уақыт әлеуметтік желіде сөйлесіп жүрген соң бауыр басып қалады екенсің. Көрген кезде ешқандай жатырқау болған жоқ. Қалай сезіндім, солай қабылдадым. Жүрегіммен қабылдап қойыппын. Бәріне шынайы қарап, сезімімд ашып жақсы көріппін. Ойлаған едім, ол да мені сүйеді, сонша уақыттан бері бекер сөйлесіп жүрміз бе деп.бТіпті тұрмысқа шығуды ойлап қойғанмын.

Бірақ, бірінші кездесуден соң мен күтпеген жайт болды. «Ренжіме, енді сөйлеспей-ақ қояйық!!!», деді де қара тізімге салып тастады. Сонша уақыт түнімен жазған хаттары бекер болғаны ма? Ұнатпай қалды дейін десем фотомды көрген. Бар кемшілігім бетімде кішкене тыртық бар болатын. Оны ешкімнен жасырып жапқан да емеспін. Бірақ сәл түсініксіздеу сөйлейтінмін. Әсіресе асыққанда, тұтығып қалушы едім. Оның менімен сөйлеспей қалуының басты себебі сол болуы мүмкін бе? Сезіміммен ойнап осылай жасайды деп ойламаппын. Онымен кездескенде көп сөйлемей тұйықтала бердім. Өйткені тілімдегі кемшіліктен қысылғанмын.

Сөйлескенде сыпайы əдепті жақсы сөйлескен еді, сондай қарапайым жігіт болған. Əлде оған сұлулық маңызды ма немесе жігіттер көбінесе қыздардың дауысына ғашық болады ғой сол себепті ме екен? Осында жігіттер де бар сияқты, комменттерді оқып көріп отырамын, шын жауап берсеңіздер жақсы болар еді.