Босау үшiн санадағы әлектен,

Бiр Құдайға болыңдар деп тәуелдi.

Хақ жолында көз жастарын нәр еткен,

Пайғамбарлар ақын едi әуелгi.

Жаратқанның қанатының астында,

Дерт-дербезсiз олар жүрдi сенiммен.

Жыр жауһары - әлде ұқсап тасқынға,

Әлде аян нұры болып себiлген.

Көктен түскен - мұғжизе,

тәлiм, тағылым,

Әуелi сол елшiлерге берiлген.

Болар сосын күллi жұртқа мағұлым,

Әйтпесе олар ненi ұғып, не бiлген...