Ай да болғым келмейді, аспаны бар. 

Аспаны бар, ғазалы, дастаны бар. 

Мен Гүл болғым келеді, дүниенің 

Ұлылығын тамырсыз тастан ұғар. 

Күнім деп те алдама. Күн емеспін. 

Жанымды өртеп жүр әлі - Мұң. Елес. Түн. 

Мен Гүл болғым келеді қолыңдағы, 

Сұрай алмай жүрсе екен сенен ешкім. 

Сабағыма түсірмес уақыт сызын, 

Ақ күлтеме жырымнан жақұт тіздім. 

Еңлік гүл едім мен. Қызғалдаққа 

Қолың создың. Қайтемін...Бақытсызбын.