Мұқағали Мақатаев. «Мықтымын ғой дегенмен...»

Oinet.kz 02-09-2019 1180

1450429369_3a4a2274e8d7a715dc31bd6a5e55551f.a1762bf7cb196e15ffcd4a1b4e9173c413989.jpg

Мықтымын ғой дегенмен

Қорғасындай бір салмақ кетер емес денемнен.

Басады кеп төбемнен. Қош айтысып өлеңмен,

Терезеге төнем де Алатауды көрем мен -

Басы қарға бөленген.

Бауыры көкке кенелген - Алатауды көрем мен.

(Қорғасындай бір салмақ арылмайды денемнен)

Мықтымын ғой тегінде!

Қорқытарың өлім бе, оранарым кебін бе?!

Түкірдім мен оларға!

Ей, жүрегім, жеңілме!

Ана тұрған көгінде - жұлдызың бар сенің де,

Басын иген өлімге, түкірдім мен өмірге!

Ей, жүрегім, жеңілме!

Ей, жүрегім, жеңілме.

...Мен несіне жерінем?!

Қорқатыным өлім бе?!

Қорықпай-ақ берілем

Өкінішті...

Амал не...

Өлмейтіндей келіп ем...

Мына жарық дүнием бірге туған менімен

Бірге өледі менімен!!!

Мұхтар Шаханов. Желтоқсан алаңы
Мұқағали Мақатаев. «Елім барда»
Сәйкес тақырыптар
Көтерілу