Мұқағали Мақатаев. «Дариға, домбырамды берші маған»

Oinet.kz 02-09-2019

1450429369_3a4a2274e8d7a715dc31bd6a5e55551f.a1762bf7cb196e15ffcd4a1b4e9173c413989.jpg

Дариға, домбырамды берші маған,

Жаныма келші, жарым, келші балам!

Бейуақ, іңірдегі көңіліме,

Күй болып, күңіреиіп енші, далам.

Қайырмасы:

Бабамның көзімісің?!

Данамның сөзімісің?!

Жаралған сезім үшін,

Мазасыз жүрегімнің өзімісің?!

Домбырам,

Қоңыр қазым, аққуымсың!

Арманым, мұңым, сырым, шаттығымсың

Домбырам, жүрегіммен үндес едің,

Сенімен сырласымдай тілдесемін.

Бабамнан қалған мұрам, сен болмасаң,

Өнердің не екенін де білмес едім.

Қайырмасы.

Өсірген өнерімді қызыр-бабам,

Үніңнен айналайын бұзылмаған!

Киелі пернеңе бір қол соқпасам,

Ішегін, жетімсіреп ызылдаған.

Қайырмасы.

Домбырам, досым менің күй аңсаған,

Өзімді, өмірімді қиям саған.

Шағымда шабыттанған, қиялдаған.

Шапағың бар шаттығын құяр маған.

Қайырмасы.

Ерке назым, менің де, сазым менің,

Шыбынсыз, шуақ шашқан жазым ба едің?

Дариға, домбырамды берші маған,

Айналып ұшсын аққу-қазым менің!

Мұқағали Мақатаев. «Сиыр айдап өріске ертеңменен»
Мұқағали Мақатаев. «Тауда өстім»
Сәйкес тақырыптар
Көтерілу