Таразда қоғам белсендісі ірі көлемде ақша бопсалады деген күдікпен ұсталды. 

Жамбыл облыстық полиция департаментіне Тараз қаласының тұрғыны өзін әлдекімнің бопсалағанын айтып, арызданған.

Арызданушының айтуынша, күдікті оның ар-намысына, қадір-қасиетіне және іскерлік беделіне нұқсан келтіретін мәліметтерді әлеуметтік желілерде таратамын деп қорқытып, жарияламау үшін 5 миллион теңге талап еткен.

БҚО-да шенеуніктен ақша бопсалаған блогер 3 жылға бас бостандығынан айырылды

Аталған дерек бойынша жедел іс-шаралар нәтижесінде күдікті арызданушыға қысым көрсетуді тоқтату және бұған дейін әлеуметтік желілерде жарияланған жағымсыз пікірлерді өшіру үшін ақша алу кезіндегі қылмыс үстінде ұсталды.