Мұқағали Мақатаев. «Таудағы көктем»

Oinet.kz 02-09-2019 1499

1450429369_3a4a2274e8d7a715dc31bd6a5e55551f.a1762bf7cb196e15ffcd4a1b4e9173c413989.jpg

Сай-саланы,

Аймалады,

Жоталардан жел есті.

Көк қарағай.

Көп баладай,

Күбір-күбір кеңесті.

Қасқа бұлақ,

Тастан құлап,

Бара жатыр шапқылап.

Шықылдаған,

Сыбырлаған,

Айқай жастар - саққұлақ.

Бір жүрекпен,

Дір-дір еткен,

Жасыл талдар - жас талдар.

Еміренген,

Тебіренген,

Ақбас Ата - асқарлар.

Күннен - бөркі,

Гүлден - көркі,

Тау - тамаша, тау - алып.

Қатпар басын,

Шатқал тасын,

Көрген сайын жаңалық.

Айналаңа,

Сайға қара,

Шыңға қара ақ маңдай.

Бала шағың,

Болашағың,

Көктеп келе жатқандай.

Сұлтанмахмұт Торайғыров. Ағайынның азғандығы
Сұлтанмахмұт Торайғыров. А, дүние
Сәйкес тақырыптар
Көтерілу