Ақ алтын жазық даласы,

Ибалы - қызы, баласы.

Тілегей-теңіз - данасы,

Осынау жерге қарашы!

Құстары биік самғаған,

Талант қанаты талмаған.

Тарихты терең толғаған,

Өнердің жолын жалғаған - 

Осынау жерге қарашы!

Көктемі жайлы көңілге,

Сызат түсірмес сенімге.

Мейірін төгер келінге,

Сыйластық - ұран елінде.

Осынау жерге қарашы!

Қыздары көркем, көрікті,

Жанары мөлдір елік-ті.

Көрген жан көзін ала алмай,

талай жігіттер елік-ті.