Ілияс Жансүгіров жазған жұмбақтар

Screenshot_6.jpg

Дүниеде күйме көрдім төрт аяқты, 

Дөңгелек екі басы ай сияқты. 

Төрт есік, мәткесі бар, уығы жоқ, 

Үзік жоқ, туырлық жоқ, түндігі жоқ, 

Құс төсек, мамық жастық, біреу жатыр 

Көңілі уайымсыз, жай сияқты.

                            /Бесік/

Аяғы жоқ, Қолы жоқ, 

Көйлегі көк, Қарны тоқ.

                       /Жастық/

Алыста бір қара тұр көресің бе?

Жаны жоқ қимылдауға денесінде. 

Сүйегі ішіндегі бақша-бақша, 

Бар екен жалғыз көзі денесінде.

                        /Киіз үй/

Бір шұқырда,

Мың шұқыр.

                      /Оймақ көз/

Қара сиырым қарап тұр, 

қы­зыл сиырым жалап тұр.

                     /Қазан мен от/ 

Айда­ла­­да ақ отау, 

аузы-мұрны жоқ отау

                              /Жұмыртқа/

Қос қазық, екі желі, сегіз ноқта,

Сөйлейді шежіредей адам соқса,

Тағы да бір мінезі таңғажайып,

Еш уақыт сөйлемеді адам жоқта.

                             /Домбыра/

Сақалы бар, 

Ақылы жоқ.

                              /Ешкі/

Ізі бар адымы жоқ аяғының, 

Тимейді ұшы жерге таяғының. 

Хайуанға екі аяғын арта салып, 

Салады әуезіне баяғының.

                            /Арба/

 дереккөз: aikyn.kz

Мүмкін сізді қызықтыратын тақырыптар:

  • Мәшһүр Жүсіп Көпейұлы. Шайтан
  • Қадыр Мырза Әли: «Əдемі қызды көргенде, ақылды қызды аяйсың»
  • Ғабит Мүсірепов пен Раиса Мұхамедиярованың тағдырлы хаттары
  • Ақан сері айтыпты
  • Б.Момышұлының «Абай жолы» романының ең басты кемшілігі туралы айтқаны
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика