Қазақстан президенті «Қазақ тілі әліпбиін кириллицадан латын графикасына көшіру туралы» жарлығына өзгеріс енгізді деп хабарлайды Ақорданың баспасөз қызметі.

«Қазақ тілі әліпбиін кириллицадан латын графикасына көшіру туралы» Қазақстан Республикасы Президентінің 2017 жылғы 26 қазандағы №569 Жарлығына өзгеріс енгізу туралы

ҚАУЛЫ ЕТЕМІН:
1. «Қазақ тілі әліпбиін кириллицадан латын графикасына көшіру туралы» Қазақстан Республикасы Президентінің 2017 жылғы 26 қазандағы №569 Жарлығына (Қазақстан Республикасы ПҮАЖ - ы, № 50 - 51 - 52, 326 - құжат) мынадай өзгеріс енгізілсін:
аталған Жарлықпен бекітілген латын графикасына негізделген қазақ тілі әліпбиі осы Жарлыққа қосымшаға сәйкес жаңа редакцияда жазылсын.
2. Осы Жарлық жарияланған күнінен бастап қолданысқа енгізіледі", - делінген ресми хабарламада.

Мына жерден Қазақ тілі әліпбиін кириллицадан латын графикасына онлайн түрінде ауыстыра аласыз. Егер де онлайн ауыстыру дұрыс жүргізілмей жатса, онда браузердің кешін тазалап алу қажет!