Тілім, дінім деп соққан жүрегі

22 қазан 2012, Дүйсенбі

Категориясы: Ақын-жазушылар

гума

Мұхтар Шаханов 70 жаста
Мақсаты:
Оқушылардың ой - өрісін дамыту, мәнерлеп оқуға машықтандыру.
Ақынның ерешке қасиет – қадірін, тұлғалық тұғырын түсіндіру,
ерен – еңбегін мақтаныш сезіммен оқушылар ойына сіңіру.

Мұхтар Шаханов1942 жылы 2 шілде Оңтүстік Қазақстан облысы, Ленгір ауданы,
Қасқасу селосында дүниеге келген. Шымкент педагогикалық институтын бітірген (1969). "Оңтүстік Қазақстан" (1960 - 65), "Лениншіл жас" (1965 - 70) газеттерінде, республикалық телевизия, радио редакцияларында (1971 - 75) істеді. 1976 жылдан Қазақ ССР Министрлер Кеңесінің баспа, полиграфия және кітап саудасы жөніндегі мемлекеттік комитетінде бөлім бастығы. Алғашқы өлеңі ("Сырдария") 1959 жылы жарияланды. Тұңғыш өлеңдер жинағы ("Бақыт") 1966 жылы жарық көрді. М. Шахановтың "Балладалар" (1968), "Ай туып келеді" (1970), "Қырандар төбеге қонбайды" (1974), "Сенім патшалығы" (1976) атты кітаптары шықты. Өлеңдерінде философиялық ой басым. "Махаббат заңы" атты поэзиялық спектаклі республикалық театр сахнасына қойылды (1974). Мұхтар Шаханов көптеген әндер мәтінін жазды. Мәтінін де, музыкасын да өзі жазған "Жұбайлар жыры", "Туған күн кешінде", "Гүл дәурен", "Мен саған ғашық едім" атты әндері жұртшылыққа кеңінен таныс. М. Шаханов — Қазақстан Ленин комсомолы сыйлығының лауреаты (1972). Қазақстан Жазушылар одағы басқармасының хатшысы, республикалық "Жалын" журналының бас редакторы т. б. қызметтер атқарды. КСРО халық депутаты, КСРО Жоғарғы Кеңесінің мүшесі, ҚР - ның Халық депутаты. 1993 - 2003 жж. Қазақстан Республикасының Қырғыз Республикасындағы Төтенше және Өкілетті Елшісі қызметінде болды. 2004 — 2007 жылдары ҚР Парламенті Мәжілісінің депутаты. Қазір 2004 — 2007 депутат. "Жалын" журналының бас редакторы, әлем ойшылдарының басын біріктіретін "XXI ғасыр және Руханият" атты халықаралық элита клубының Президенті.

Мұхтар Шаханов бірнеше әндердің авторы:
“Әке туралы жыр”, “Туған күн кешінде”, “Жұбайлар жыры”, “Қуаныш вальсі”, “Мен саған өкпелемеймін”, “Кешікпей келем деп ең”, “Арыс жағасында”, “Ақ бантик”, “Айналайын”