17.10.2015 oquzaman  0 Comments Шылау және оның түрлері. Ұлттық тағамдар

 Жакупова Қарлығаш Жұмабекқызы, Екібастұз гуманитарлық-техникалық колледжінің  

қазақ тілі мен әдебиеті пәні мұғалімі

Сабақтың тақырыбы: Шылау және оның түрлері. Ұлттық тағамдар

Сабақтың түрі: дәстүрлі емес сабақ

Сабақтың әдіс- тәсілі: сыни тұрғысынан ойлау,  диалог, топтық жұмыс, іздену, оқып- оқытамын

Керекті жабдықтар: кеспе қағаздар, интербелсенді тақта, семантикалық кесте, тест сауалдары, смайликтер, бейнебаян, аудиотаспа

Пәнаралық байланыс: өзін-өзін тану,  қазақ әдебиеті, этнопедагогика

Сабақтың  мақсаты:

Грамматикалық тақырыпты игере отырып, лексикалық тақырыпты меңгеру, оқушылардың ойын қазақ тілінде жеткізуге жетелеу.

Міндеттері: 1. Сөйлем құрғанда сөздердің орын тәртібін дұрыс қолдануға үйрету.

2. «Қазақтың ұлттық тағамдары» тақырыбы бойынша алған     білімдерін тексеру, оқушылардың тілін дамыту,  тыңдай білуді және оймен бөлісуді үйрету, грамматиканы қайталау,  қазақ халқының салт-дәстүрлері арқылы қазақ тілін үйренудің тұрақты қызығушылығын дамыту. 3. Айтылған сөйлемдердің дұрыс айтылып, құруылуына мән беру,  құрмалас сөйлемдерді ажырата білу,  шылауларды сөйлемде дұрыс пайдалануы.

4. Ұлттық салт-дәстүрімізді құрметтеу, ұлттық сана-сезімдерін ояту,сөздік қорларын молайта түсу, тілдерін дамыта алу.

Күтілетін нәтижелер: тақырып бойынша әңгімелеседі, тапсырмаларды орындайды. Шылау сөздерді ажырата алады, сөйлемде таба алады. Өз бетімен жұмыс жасап, ойларын білдіріп, мәтін құрап, бейнебаяннан көргендерін әңгімелеп, аудиотападағына тыңдай отырып жауап бере алады. Сөйлемдерді талдай алады.