Қожа Ахмет Йассауи нақыл сөздері

Oinet.kz 16-08-2020 1900

Қожа Ахмет Яссауидің нақыл сөздері » Жаңақорған тынысы

Ынтасыздың күні қараң.

***

Кекірейген кердеңдерден қаш.

***

Нәпсіне ерген адам адасады. Енді жатса да, тұрса да оның жолдасы шайтан болады.

***

Үлкен-кіші адамнан иба кетті,

Қыз-бозбала жастардан әдеп кетті,

Мінез-құлық бұзатын әдет жетті,

Бұл не деген заман болды, достар?!

***

Халықтан мейірім кетті,

Момынға телі-тентек тақымы өтті,

Талтүсте талапайда ақым кетті,

Бұл не деген заман болды, достар?!

***

Заман азар уағында - патша айналар залымға.

***

Жамағаттың жақсыға құрметі жоқ,

Кішілердің үлкенге ізеті жоқ,

Патшалардың әділдік міндеті жоқ,

Бұл не деген заман болды, достар?!

***

Әділ сөйлеп, адал жүр.

***

Айтылған сөз, уәденің байламы жоқ,

Өтірікке шындықтың қайраны жоқ,

Шындық айттым осылай шырқыраған,

Құл Қожа-Ахмет сөзінің жалғаны жоқ.

***

Құштарлықсыз жаратқанды да тани алмайсың.

***

Тақуа болма, тентек болма - ғашық бол.

***

Махаббат дәмін татпаған, жар сүйіп, қызығын көрмеген, үйін ойлап дүние таппаған, ойсыз-қамсыз шайтандыққа бой алдырғаннан иман қашады.

***

Арыңды сақта, болсаң да малға кедей.

***

Не болса да - сабыр қыл.

***

Мал-мүлік жидым деп мәз болма - жан кеткенде кетеді.

***

Бай малына мәз.

***

Көзі жанып тұрмағанның ғашық болдым дегені бекер.

***

Ғашық патша да, ғашық пақыр да жауласа алмас.

***

Қам көңілдің қайғысына дауа бол,

Жолда шаршап шалдыққанға сая бол.

Тәуелсіздік туралы шығарма
Жаңа жыл кешіне арналған сценарий
Сәйкес тақырыптар
Көтерілу