Жұмақтан қуылған соң, Адам ата мен Хауа ана әлемнің екі бұрышына түсіпті. Екеуі екі жақта жүріп, Алладан кешірім сұрап жылапты. Періштелер оларды жұбата алмай қиналады. Сол кезде Жаппар Хақ:

- Жылай берсін, жұбатпаңдар! Олардың көз жасы - менің рақметім, - дейді. Адам атаның көз жасы тамып, ол жерден: жалбыз, адыраспан, итмұрын, дермене, шайқурай, таңқурай, мия, киікоты сияқты мыңдаған дәрілік шөптер өсіп шығады. Хауа ананың көз жасынан: қалампыр, оспа, қына, сүмбіл сияқты мыңдаған әтірлік шөптер мен хош иісті гүлдер өсіпті. Екеуінің теңізге тамған жастарынан інжу, маржан, дүрлер пайда болған екен.

(Отбасы хрестоматиясы)