Нұрбол Айтулов, «Нысана» театрының әртісі:

Университетте оқып жүргенде КВН ойнауға барымды салдым. Бұрынғы ректор Уәлихан Қозыкеұлының жалпы студенттерге деген қамқорлығы ерекше еді. Команданы ешқандай жарыстан қалдырған емес. Жеңсе те, жеңілсек те ақ батасын берді. Оның бізге, командаға көрсеткен жақсылығын ешбір басшы көрсете алмады десем артық айтқаным емес. Сондай демеудің арқасында біздің «жұлдызымыз» жанды.  Университеттің 70 жылдық мерейтойында қазіргі ректор, іскер басшы Жұмахан Үшкемпірұлы бүгінде әр саланың шыңына жеткен  біздің мақтан тұтар түлектеріміз деп  құрметпен шақырды. Ол мерейтойда менде болдым. Жігіттер квартетінен бастап, өзге да түлектерге медаль тақты. ОҚМУ бізбен мақтанса, біз ОҚМУ-мен мақтанамыз.

Артымыздан ерген ойыншылар кейде ақыл сұрап жатады. Олардың бетін қаққан емеспін, сахнада өзін-өзі ұстау, актерлік шеберліктерін  арттыруға аздап ат салыстым. Шыны керек біз ойнаған жылдары КВН-ның кем-кетік тұстары болды. Лигалар теледидарға шыға бермейтін. Тек көшедегі қағазға ілінген жарнамадағы «ТехАС», «ОҚМУ» деген жазуларды көріп қуанып қаламыз. Дегенмен біздің өз көрермендеріміз болды. Ал қазіргі КВН-ның дәрежесі әлдеқайда жоғары, әлдеқайда мықтырақ. Барлық ойындар жоғары деңгейде өтеді және міндетті түрде экранға шығады.