Мектептер құрылысына инвесторлар керек

Oinet.kz 13-04-2021

Үшінші мегаполисте білім саласындағы 2020 жылға белгіленген индикаторлар мен көрсеткіштер толық орындалған. Қалада 1-сыныпқа құжат қабылдау 1 сәуірден бастап, 1 тамызға дейін болып белгіленген. Қалалық білім басқармасының басшысы Ж.Тажиеваның мәлімдеуінше, 2021-2022 оқу жылында 1-сыныпқа болжам бойынша 25 000-ға жуық оқушы қабылдау жоспарланып отыр. Осы орайда мектеп тапшылығын жою мақсатында қалада қызу құрылыс жұмыстары жүруде.

Мұрат Әйтенов жеке кәсіпкер салып жатқан 1000 орындық мектептің құрылысымен танысты. Ілияс Жансүгіров көшесінің бойында орналасқан білім ошағы апатты мектеп деп танылған. Ол бұрын 600 балаға шақталған болатын. Жаңа білім мекемесінің құрылысы осы жылдың тамыз айында аяқталып, пайдалануға беріледі деп жоспарлануда.

Шымкентте 13 үш ауысымды, 1 апатты және 13 шағын ауданда мектеп жоқ екенін айтқан қала басшысы осыларды шешу үшін білім саласына жеке инвесторларды көптеп тарту қажет екенін алға тартты.

Сонымен бірге шаһар басшысы кәсіпкерлерге білім саласына қаржы құйғанда ақша табамын деп емес, ең әуелі ұрпақтың білімді болуына басты назар аударатындығына сенім білдірді.

Шымкент қаласындағы жаңа мектептер құрылысына жеке инвесторлар мен мемлекеттік-жекеменшік әріптестік жүйесі кеңінен тартылуда. Алдағы бес жылда қалада мемлекеттік-жекеменшік әріптестік аясында 12, ал жеке инвестормен 40 мектеп салынбақ.


Шаһарда 1500-ге жуық жаңа жұмыс орындары ашылады
Экологиялық туризмді дамытуға бір қадам


Сәйкес тақырыптар
Көтерілу
×