«Хайп үшін жұртты шулатып, адастыруда» - Тоқаев

Oinet.kz 25-02-2021 2043

Мемлекет басшысы Қасым-Жомарт Тоқаев вакцинацияға қарсылық танытатындарға қатысты пікір білдірді, деп хабарлайды Oinet.kz тілшісі.

Тоқаев.jpg

- Амал не, бүгінде қоғамдық талқының сапа деңгейі төмендегенін бақылап отырмыз. Белгілі адамдар ешқандай негізі жоқ әрі популистік мәлімдемелерімен хайп үшін жұртты шулатып, адастырып жатқанын байқап отырмыз. Жарқын мысалы - антиваксерлердің деструктив позициясы (екпеге қарсы қозғалыс. - авт.). Әлеуметтік маңызы бар мәселелердегі көзқарастардың бітіспестігі, біржақты көзқарастар алаңдатады, - деді Тоқаев Ұлттық қоғамдық сенім кеңесінің бесінші отырысында.

Президенттің айтуынша, мұндай жағымсыз бағыттар басымдыққа ие болатын тенденцияға айналуына жол берілмеуі керек.

- Бұл қоғамдық адастыруға әкеп соғады, өзара сенбеушілік атмосферасын туғызады және түптеп келгенде ұлттың дамуын тежейді. Қоғамдық қызмет - жоғары миссия, сонымен қатар отандастарыңның алдындағы зор жауапкершілік. Ең алдыммен өз сөзің мен ісіңнің салдарын түсінуің керек, - деді Тоқаев.

Оның айтуынша, Ұлттық кеңес міндеті - үйлесімді қоғамдық орта тууына септесу, өркениет диалог нормаларын нығайту.

«Қарапайым халықты мал құрлы санамайды» Ринат Зайытов
Мамай мен «Тазша бала» тіл табыса алмай жүр
Сәйкес тақырыптар
Көтерілу