Шымкентте Ұлттық қауіпсіздік комитеті  қалалық Экономикалық тергеу департаментінің (ДЭР) қызметкерінің ұсталуына байланысты алдын ала тергеуді бастады.

Шымкентте ДЭР қызметкерінің ұсталуы туралы ақпараттар  2 наурызда әлеуметтік желілерде пайда болды. Пайдаланушылар жол жиегінде автокөліктің жанында арнайы қызмет қызметкерлерінің ер адамды ұстап тұрған фотосуретті жариялады. Хабарламалардың авторлары «Ұлттық қауіпсіздік комитетінің сыбайлас жемқорлыққа қарсы қызметі Шымкентте қалалық экономикалық тергеу департаментінің қызметкерін ұстаған» деп жазған. Олардың айтуынша, бұл іс 300 мың теңге көлемінде пара алу күдігіне қатысты болуы мүмкін. Алайда жарияланымдарда болжамды пара сомасы немесе ақша берілу жағдайлары ресми түрде расталмаған.

 «Қазинформ» Ұлттық қауіпсіздік комитетіне осы жөнінде  ресми сұрау жолдаған. ҰҚК тергеу жүргізіліп жатқанын растады:

«Алдын ала тергеу жүргізілуде. ҚР ҚПК 201-бабының 1-бөліміне сәйкес басқа ақпарат жарияланбайды», — делінген ҰҚК жауабында.