Шымкент қаласы әкімінің орынбасары тағайындалды

Screenshot_4.jpg

Шымкент қаласы әкімінің өкімімен Садыр Ербол Әбілхайырұлы қала әкімінің орынбасары болып тағайындалды.

Бұған дейін Түркістан облысы әкімінің орынбасары қызметін атқарып келген жаңа қала әкімінің орынбасарын Ерлан Айтаханов аппараттық мәжілісте таныстырып, қаланың дамуы жолындағы еңбегіне табыс тіледі.

Ербол Әбілхайырұлы  1973 жылы туылған, білімі жоғары, мамандығы бойынша экономист. Еңбек жолын 1994 жылдан Созақ аудандық орталық ауруханасы бас дәрігерінің экономика жөніндегі орынбасары болып бастаған. 1995-2009 жылдары Созақ ауданы әкімшілігі экономика бөлімінің бас маманы, меңгерушісі, экономика, шағын және орта бизнесті қолдау, кәсіпкерлікті қолдау және дамыту жөніндегі бөлімдерінің меңгерушісі, облыстық кәсіпкерлікті қолдау жөніндегі басқарма бастығының орынбасары, облыстық экономика және бюджеттік жоспарлау басқармасы инвестициялық саясат бөлімінің бастығы, Оңтүстік Қазақстан облысы экономика және бюджеттік жоспарлау басқармасының бастығы қызметтерін атқарған. 2013 жылғы 22 мамырдан - Оңтүстік Қазақстан облысы әкімінің орынбасары. 2017 жылдың 14 қыркүйегінен бүгінгі күнге дейін Түркістан облысы әкімінің орынбасары қызметін атқарып келген.

Шымкент қаласы әкімінің орынбасары Ербол Әбілхайырұлы өз қызметінде кәсіпкерлік, ауылшаруашылық , туризм және цифрландыру мен табиғатты қорғау салаларына жетекшілік ететін болады.

Шымкент қаласы әкімінің баспасөз қызметі

Мүмкін сізді қызықтыратын тақырыптар:

  • Әбдірахымовтың орынбасары болған Данат Жумин қызметтен не үшін кеткенін айтты
  • Президент мұғалімдерді енді сенбілік, флешмоб секілді іс-шараларға шығармауды тапсырды
  • Қаржы министрі адам бай болуды емес, бақытты болуды ойлау керектігін айтты
  • «Nur Otan» партиясы Түркістан облыстық филиалы төрағасының бірінші орынбасары тағайындалды
  • Түрікменстан Президенті Қазақстан билігіне жаңа қала салуды ұсынды