Бүгін Білім және ғылым министрі Асхат Аймағамбетов Нартай Аралбайұлына берген сұхбатында не үшін кейбір жекеменшік университтерді жабу керектігін түсіндірді. Оның айтуынша, университетке келмейтін студенттерге диплом таратумен айналысқан деп хабарлайды Oinet.kz тілшісі.

- Біз талдау жүргіздік. Зерттеу барысында жекеменшік жоғары оқу орнындағы студенттердің көбісінің жасы 30-дан асқан. Және студенттердің 1 курстан бастап 4 курсты бітіргенше зейнетақы қорына қаржы түсіп тұрған. Бұл студенттердің университетке құжат тапсырып қойып, университетке бармай жұмыс істеп жүргенін білдіреді, - дейді Асхат Аймағамбетов. Осының салдарынан оқуға бармаған білімсіз студент жоғары білімді растайтын диплом алып шығады.

Асхат Аймағамбетов басты мақсаты - жекеменшік жоғары орындарын жабу емес, білім сапасын арттыру екенін айтты.