КХДР басшысы Ким Чен Ын 20 күннен соң көпшілік алдына қайта шықты. Солтүстіккореялық БАҚ 36 жастағы мемлекет басшысы түсірілген бейнероликті жариялады. Бұл туралы ВВС хабарлайды. 

Мәлеметттерге сүйенсек, кадрлар Ким Чен Ын Сунчхон қаласындағы тыңайтқыштар өндіретін зауыттың ашылуына қатысқан сәтте түсірілген. 

Еске сала кетейік, Ким Чен Ын көпшілік ортада 12 сәуірден бері көрінбеген болатын. Бұған дейін Оңтүстік Кореяның бұқаралық ақпарат құралдары КХДР басшысы жүрегіне күрделі ота жасатып, ауыр халде жатқанын хабарлаған болатын. Алайда ел билігі бұл мәліметті жоққа шығарған еді. Сеулде билік өкілдері оларға КХДР-дан 36 жастағы ел басшысы ауыр науқас екені жайлы еш мәлімет келмегенін атап өткен болатын.